Selamat ngalih ari nuju bala sebuat.. lama asai udah enda nulis dalam jako Iban. Maia artikel tok ditulis, aku agi dalam "office". Nadai pengawa..Laban udah tembu digaga. Nganti jam ke cukup ka pulai ke rumah sewa. Emm... maioh mua ari ba luar din. Seminggu - minggu tok ari angat, nadai ujan. Tang pama bisi puput ribut mimit.
Emm...sekali tok enda bejako pasal mua ari. Hujan enggau panas nya udah pemeri Petara. Mina kitai mensia ajak nemu ngerunding nama pengawa ti udah digaga kitai.
Pengelama aku gawa enggau perintah ba Kuala Lumpur tok, bepun ari taun 2004, sampai taun 2010 aku nadai kala pulai menoa enggau orang nyambut Hari Gawai ( Harvest Day ). Lelenggau gak asai enti ninga bala kaban belayan diri menyadi nusi pengawa maia rami. Ukai asai enggai pulai menoa, tang laban ke penanggul ba pengawa nya nadai bisi ati ka minta kemisi. Kemisi selalu diambi maia Hari Krismas. Maia nya meh aku selalu pulai menoa, alu begulai enggau apai indai, menyadi serta kaban belayan. Maia nya mega maioh utai tauka cerita dikungsi ngagai bala ke biak. Nusi cerita maia jeman agi besekula suba, jeman ti nadai "gadgets"... Semua ngena pengelandik untak mutar ke pengawa.
Taun tok, aku mutus ati deka pulai menoa nyambut Hari Gawai. Ka ngasai bakani asai pengerami ti udah lama ditinggal ke aku empu. Ba rantau baru nemu pengerami ba menoa diri manah agi ari pengerami orang bukai. Ngarap ke taun tok mega, maioh jereki maioh tuah maioh limpah ulih dikulih ke bala kitai. Ohhaaaa Selamat Nyambut Hari Gawai 2011, Gayu Guru Gerai Nyamai!!!!
No comments:
Post a Comment