Thursday, November 13, 2008

LatiH NimBAk





Auk tok ke cerita sulusigat maia ti enggau orang latih nimbak. Tempat sulusigat tok nimbak nang jauh ari tempat kerja (KL) ianya ba Lapang Sasar Jelebu, Negeri 9. Taja pan jauh tang pengerindu sigi bisi dikembuan.Ko orang "Jauh perjalanan, luas pandangan"...auk tambah ke agi laban ke sigi ka meda menoa orang, free nya wai kami in laban ti ngena Transport perintah di sedia ka...


Pagi nya (12 / 11 / 08) tumu Sulusigat dani, kira pukul 0615 diniari. (Ba KL ditu bedau tumbuh matahari) Sulusigat ngemas penindok dulu, lalu mandi, udahnya alu begari. Ngena baju sukan Sulusigat. Lalu meh Sulusigat ngemas beg iya ti ka dibai bekejang kin, mai ai mineral sebotol besai tudah...Siap bekemas, masuk ke kasut Sulusigat ngunci pintu rumah. Ngena mootosikal (Nouvo'S) ngagai tempat beranti. Kira pukul 0730am datai ba tempat beranti nya, Sulusigat lalu betalipaun ngagai bala kaban. Mai ngirup ngisi perut ti kosong.





Kira sejam bala sida usigat lalu dikangau ke Jurulatih Tembak sida bebaris. Apuuuu...amai maioh gak bala, lebih kini 80iko. Bala sida Sulusigat tok group ke-dua nimbak laban ari sebedau nya udah gak bisi group ke dulu. Sida Sulusigat diberi jako lalau enggau ajar meh...Udah keluar baris, bala sida Sulusigat seraban lalu niki "lori perintah" ti disediaka orang meh. Dua iti "lori perintah" dikena beserambih enggau 10 iti keta Ronda Polis ti "eskot"....Pejalai amai rindu laban "siren" Polis ti bebunyi ngalu ke pejalai sida Sulusigat niti jalai alun. Semua keta meri ketisi meri jalai....Tak bangga asai ati. Pengelama kami bejalai ngagai Jelebu nya kira sejam setengah. Tang jali enda aku nemu ka madah. Ni ke niki bukit, ni ke belingkok liuk, nyau palau bala sebuat. Ka muntah enda gak nyadi....ka mejam ke mata sepantup gak pala. Sulusigat laban ke nyau teleba niti jalai ti bakanya, rileks ajak. Ninga "Walkman MP3 Handphne" iya....ukai ke anci anci lagu..Lagu Kerimpak Kacha Lauya, Anang Kelalu Sumbong, Hi Bye Bye, Anak Umbong, Bekikis Bulu Betis, Menantu Kaya Peturun Raja.....sigi semampai gaga ati.



Datai meh sida Sulusigat ba Lapang Sasar Jelebu dia, alu nurun terjun ari "lori perintah"...sebuat bisi ngelu pala...."akai dai, amat merinsa kitai nuju menoa tok", ko bala. Sulusigat agi steady....Udah nya sida iya lalu masuk baris baru, diberi jako lalu enggau ajar baru. Udah nya baru sida iya dibagi ngagai group. Sulusigat group lumbor 5 begulai enggau bala sebuat iya empu. Latih timbak ti keterubah iya, nimbak M16.....sigi dianti ka ngacit ke M16 nya. Tang amai "mencabar" wai....jarak "sasar" ianya utai ke ditimbak nya kira - kira 100m ari tempat sida Sulusigat bediri. Nyau dati "turn" sida Sulusigat, apu.....nyau kusap kusap mata laban ti ka ngicing "sasar" ba ujung seberai. Pemalat munyi letup sigi ingar tang Sulusigat enda ngena penempal pending. Enda nyaia laban ujung M16 alu enda ulih dipanggai ba bahu kena penempal pending nya. 10 iti peluru keterubah cara iya tingkap, 10 iti kedua besugang, enggau 10 iti ti dudi cara bediri.....Icing sigi manah, tang utai ke dipeda mina titik chelum ba tengah tengah "sasar". Timbak nemu nya ngena, nemu nya enda sigi enda ditemu.....tang Sulusigat sigi chukup "yakin"....NI ke enda dapat dia!!!!!! Udah ambis 30 iti peluru, sida Sulusigat alu belawa nuju "sasar" diri empu dia meda utai ke ditimbak. Apuuuu neh....amat manah utai ke dibulih. Ari 30 Sulusigat bulih 19 iti bull, 11 iti makai tisi....Pama meh ari ke enda bulih. Bisi gak bala sebuat nadai bulih nama nama. Siko sebuat ti ngimbai Sulusigat kasih amat gak, 3leka aja ti masuk "sasar".....



Udah nya sida Sulusigat lalu ngetu makai tengahari....tak nadai nyamai sekali utai ti diempa....asi, manok kurma, entimun seleka udahnya sambal belacan...laban ti kelalu lapar ambis ga utai ti dipakai nya. CEhhhh.....pama gik enti makai ikan masin tauka kasam jani kampung!!!!! sedal iya daun jabang nyamai meh.....




Udah ngetu tengahari, ngalih ari.....latih nimbak kedua tok ianya nimbak Pistol...Revolver .38 nama saintifik iya.Nitih ke group meh baka tadi...Sigi dianti meh nimbak pistol nya...enda gak gegetar. Ukai nya sebarang orang tau megai nya....bisi "peluang" alu ambis ke dia meh....enti ati bisi "tension" cun amai nya...alu dia ngepelas ke "tension" nya....Nimbak pistol tok kira dampih agi, 50m....siti pistol nya semina ulih diisi enggau 6leka peluru...diberi "can" tiga kali ngisi, bereti 18leka peluru meh nya. Keterubah ngena siti lengan, udahnya dua iti lengan, kedudi lalu besugang....icing amai amai meh Sulusigat!!!!! Puas gak ati.....ari 18leka, Sulusigat bulih 13leka bull 5leka lari ketisi.....gaga enggau uas ati gak. Bala sebuat Sulusigat siko nadai tebulih nama nama.....0 ti bulih...enda nemu meh kitai nama utai di ngasoh iya bekenya!!!!!! Nitih ka siko siko orang meh....Sulusigat semampai Sigat, seruran Rindu....selalu Steady!!!!!




Pengabis kira pukul 0230pm...bala sida Sulusigat alu mulai kediri ngagai tempat disa empu ba KL dia. Pemulai ndai berasai gak jalai, asai ke dampih amai, iya sama gak jam nya tadi. Tang bisi ngelaban ujan sida Sulusigat.....pemulai nya baru bisi bala ti ngantuk!!!!! Nyau lelak meh sida iya. Anang nganu wai......Datai ba tempat beranti ti terubah, ari sigi ujan lebat. Sulusigat nang semampai "ready" enda tusah, ba motosikal iya bisi baju ujan....pulai meh ke rumah ngelaban ujan. Datai ba rumah, Sulusigat nama agi...alu meli "nasi lemak" enggau "kuih gelang 3 iti" dibai pulai laban ke ngenang diri nadai orang berapi ba rumah......Datai ba rumah Sulusigat lalu mandi, udahnya makai......Kira 0800pm Sulusigat alu ngali ke diri.......Puas ati!!!!!!!!